«Реал» бош мураббийи Зайниддин Зидан янги мавсумда ярим ҳимоячилар Хамес Родригес ва Марко Асенсио жамоадаги фаолиятини давом эттиришига умид билдирди. 

«Асенсио масаласида Мадридда қарор қабул қиламиз. Ҳозирча у «Реал» ўйинчиси. Мен унинг қолишини хоҳлайман, у ҳам шуни истаяпти. Умуман, 31 августгача ҳар нарса бўлиши мумкин. У ўйнайдиган нуқтага номзодлар кўп», — деди Зидан. 

«Хамесга келсак, у «Реал»ни тарк этишини истамайман. У кўпроқ ўйнаши керак, бироқ бунинг учун у кўпроқ ишлаши ҳам керак», — деди Зидан. 

«Умид қиламанки, янги мавсумда унинг ўйин амалиёти кўпроқ бўлади. Ҳар бир шогирдим сидқидилдан меҳнат қилишини хоҳлайман, 25 футболчи орасидан 11 нафарини эса мен танлашим керак», — деди Зидан.

«Мени Хамесга қарши ҳеч қандай ғаразим йўқ, қандай қилиб бир нарсани қайта-қайта сўрайвериш мумкин ахир? Мадрид унга ҳам ёқади», — дея қўшимча қилди Зидан.