«Лестер» бош мураббийи Клаудио Раньери жамоанинг «Барселона»га қарши ўйиндаги 2:4 ҳисобидаги мағлубиятини изоҳлади.

«Кўрсатган ўйинимиздан қониқиш ҳосил қилдим. Биринчи таймда жамоа интизомли ўйнаб, ўз ўйинини кўрсатишга ҳаракат қилди. Бироқ мавсумолди ўйинларида ўз ўйинингни кўрсатиш имкони йўқ. Мен дадилликни ҳис қиляпман», — деди Раньери. 

«Ажойиб бўлди. Биз майдонда қандайдир яхши нарса қилишга уриндик. Албатта, бундай чемпионга қарши ўйинда кичик бир хатога йўл қўйсанг ҳам, рақиб сени хоҳлаган кўйига солиши мумкин», — деди италиялик мутахассис. 

«Бироқ мен интизомдан ва мавсумолди тайёргарлигининг боришидан тўла қониқиш ҳосил қиляпман. Ҳа, биз ғалаба қозона олмадик, бироқ жамоа тўғри йўлдан кетмоқда. Бу ўйин биз учун оғир машғулот бўлди, чунки тўп «Барселона»да бўлган вақти прессинг қилиш ва қарши ҳужумга ўтиш учун тезкорроқ бўлиш зарур», — деди Раньери. 

«Умид қиламанки, ўйинчиларимиз бу ўйиндан бирор фойда олишди. Мен улар билан гаплашиб, кучли жамоаларга қарши ўйинларда майда жиҳатлар муҳим аҳамиятга эканини айтдим. Агар биз хато қилмасак, мана шундай кучли рақиб ҳам голли вазиятни юзага келтира олмайди», — деди «Лестер» бош мураббийи.