«Манчестер Юнайтед» бош мураббийи Жозе Моуриньо Португалия терма жамоаси юлдузи Ренату Саншешни қўлга киритишни жуда истаган эди.
«Мен Манчестерга май ойида келдим, бу жуда кеч эди. Агар эртароқ келганимда, шубҳасиз уни қўлга киритган бўлардим. «МЮ» Саншешни бир неча марта кузатган, мен улардан ҳам кўп кузатганман. Вақтим бўлган пайтлари «Бенфика»нинг Португалия чемпионатидаги ўйинларини томоша қилардим. Чунки билардим, бу йигитча вақт ўтиши билан яхши футболчига айланиб боришини» - деди Моуриньо Dailystar хабарида.
Эслатиб ўтамиз, Ренату Саншеш 35 миллион евро эвазига "Бавария" клубига ўтган эди.
