«Барселона» бош мураббийи Луис Энрике Халқаро чемпионлар кубоги-2016 мусобақасида «Ливерпуль» (0:4) клубига қарши ўйинда учралган йирик ҳисобдаги мағлубиятдан сўнг ўз фикрлари билан ўртоқлашди.

«Бугунги кун бизга аталмаган экан. Жамоаларнинг ўйин суратида кескин фарқ бўлди, бунақа шароитда рақобатлаша олмадик. Ижобий хулосалар ҳам бор – барча футболчиларимиз саломат ва яхши жисмоний ҳолатда. «Севилья»га қарши ўтказиладиган суперкубок ўйинидан олдин ташвишга тушаётганим йўқ, ҳаммаси режадагидек кетмоқда» - деди Энрике AS хабарида.

Эслатиб ўтамиз, Испания суперкубоги учун дастлабки ўйин 14 август куни ўтказилади.