Наманганда маҳалла ёшлари ўртасида ўтказилган “Футболимиз келажаги” мусобақаcининг ҳудудий финал босқичида 12 жамоа уч ёш тоифасида ғолиблик учун баҳслашди.

– Президентимиз раҳнамолигида барпо этилаётган замонавий спорт мажмуалари аҳоли, хусусан, ёшлар ўртасида спортни оммалаштириш, иқтидорли ёшларни кашф этиш, бўлажак чемпионларни тарбиялашга хизмат қилмоқда, – дейди “Маҳалла” хайрия жамоат фонди Наманган вилояти бўлими раиси ўринбосари Шуҳрат Кенжаев. – “Маҳалла” хайрия жамоат фонди ва бир қатор ташкилотлар ҳамкорлигида ташкил этилган мазкур мусобақа ҳам маҳалла ёшлари ўртасида спортни оммалаштириш, соғлом турмуш тарзини қарор топтиришда яхши самара бермоқда. Иштирокчилар сафи йилдан-йилга кенгаймоқда. Жорий йилда мусобақанинг туман ва шаҳар босқичларида 54 мингдан ортиқ ёшлар иштирок этди, бу ўтган йилга нисбатан қарий 5 минг кўпдир.

Биринчи ўринни 9-10 ёшли болалар гуруҳида Наманган шаҳридаги Умид маҳалласи, 11-12 ёшлилар ўртасида Уйчи туманидан Паст гузар маҳалласи ва 13-14 ёшлилар ўртасида Норин туманидаги Яйдоқ маҳалласи жамоаси эгаллади.