Испания чемпионати 2-турида Мадриднинг «Реал» клуби ўз майдонида «Сельта»ни қабул қилди. Рақибнинг қаттиқ қаршилигига учраган мезбонлар қийин ғалабага эришди.

Биринчи бўлимда жамоалар эҳтиёткорона ўйнашди. Натижада дарвозалар ишғол этилмади.

Иккинчи бўлимнинг 60-дақиқасида ҳисоб очилди. Модрич ўнг қанотдан тўпни жарима майдонига етказди. Асенсио уни эгаллаб олиб дарвозабон билан яккама-якка қолган вазиятда оҳиста зарба йўллади. Альварес тўпни қайтара олди, бироқ қайтган тўпга етиб келган Мората кучли зарба билан уни дарвозага йўллади!

Орадан сал ўтгач, «Сельта» ҳисобни тенглаштирди. Ҳимоячилар хатосидан фойдаланиб, тўпни эгаллаб олган Гвидетти тўпни Орельянага оширди. Жарима майдони чизиғида турган футболчи кучли ва аниқ зарба билан дарвозанинг юқори бурчагини аниқ нишонга олди!

Ўйин якунланишига ўн дақиқа қолганида «Реал» ғалаба келтирувчи голни урди. Васкес ўнг қанотда тўпни эгаллаб олиб, уни марказдан келаётган Кроосга етказди. Тони жарима майдони чизиғидан кучли ва аниқ зарба йўллаб, дарвозанинг пастки бурчагини аниқ нишонга олди!

Реал Мадрид – Сельта 2:1

Голлар: 1:0 – 60 Мората, 1:1 – 67 Орельяна, 2:1 – 81 Кроос.

Реал Мадрид – Касилья, Рамос, Варан, Карвахаль, Марсело, Модрич (Хамес, 69), Кроос, Асенсио (Васкес, 65), Каземиро, Бэйл, Мората (Диас, 77).

Сельта – Альварес, Кабраль, Мальо, Ронкалья, Кастро, Радоя (Систо, 85), Эрнандес, Васс (Диоп, 77), Орельяна, Бонгонда, Гвидетти (Аспас, 73).

Огоҳлантиришлар: Мальо (52), Кастро (55).