Англия премьер-лигасининг 4-турида «Манчестер Юнайтед» - «Манчестер Сити» ўйини бўлиб ўтди. Қизиқарли ўтган ўйинда «шаҳарликлар»нинг қўли баланд келди.

15-дақиқада «Ман Сити»нинг ўз жарима майдонидан бошлаган ҳужуми гол билан якунланди. Ҳимоячи Дэйли Блинднинг хатосидан сўнг Де Брёйне дарвозабон яккама-якка чиқиб, совуққонлик билан тўпни дарвозанинг чап бурчагига йўллади.

36-дақиқада «МЮ» ҳимояси яна бир марта дарз кетди. Де Брёйне жарима майдонига кириб зарба йўллаганида, тўп устунига тегиб қайтди. Бироқ ҳимоячилар эътиборидан четда қолган Ихеаначо яқин масофадан дарвозани аниқ нишонга олди.

42-дақиқада «МЮ» ҳисобни қисқартирди. Руни жарима зарбасини амалга ошириб, тўпни жарима майдонига йўллаганида, Клаудио Браво тўпни илиб ололмади, натижада Иброҳимович бўш қолган дарвозани ишғол этишда қийналмади.
Иккинчи бўлим ҳам кескин курашларга бой тарзда ўтди, бироқ дарвозалар ишғол қилинмади.

Манчестер Юнайтед – Манчестер Сити 1:2 (1:2)
Голлар: Иброҳимович (42) - де Брюйне (15), Ихеаначо (36)
Манчестер Юнайтед – Де Хеа, Валенсия, Шоу (Марсьяль, 81), Байи, Блинд, Мхитарян (Эррера, 46), Феллайни, Погба, Лингард (Рэшфорд, 46), Ибрагимович, Руни.
Манчестер Сити – Браво, Отаменди, Коларов, Санья, Стоунз, де Брюйне (Сабалета 90), Сильва, Стерлинг (Сане, 60), Фернандиньо, Нолито, Ихеаначо (Фернандо, 53).
Огоҳлантиришлар: Сильва (41), Байи (45), Иброҳимович (51), Феллайни (52), Руни (83).