Бугун - 5 октябрь, чоршанба куни Ўзбекистон ҳамда Эрон миллий терма жамоалари Жаҳон чемпионати 2018 саралашининг учинчи босқичи доирасидаги ўйин олдидан расмий машғулотларини ўтказишди.
Соат 17:00да Карлуш Кейруш бошчилигидаги Эрон терма жамоаси машғулотларни бошлаган бўлса, Ўзбекистон миллий терма жамоаси 18:00дан шуғуллана бошлади.
Ўзбекистон миллий терма жамоаси машғулотларда тўлиқ таркибда иштирок этди. Россиянинг “Краснодар” клуби сафида фаолият юритадиган Одил Аҳмедов Европа лигаси ўйинлар доирасида олган кичик жароҳати сабаб, идивидуал тарзда шуғулланди.
Эслатиб ўтамиз, Ўзбекистон – Эронучрашуви 18:00да бошланади. Учрашув “Бунёдкор” стадионида бўлиб ўтади.
