"Милан" бош мураббийи Винченцо Монтелла Италия чемпионатининг 14-турида "Эмполи" устидан қозонилган ғалабадан сўнг (4:1) фикрларини билдирди.

"Биринчи бўлимда жамоа жуда ёмон ўйнади Футболчилар дангасалик қилдилар ва ишончсиз ўйнадилар. Таафффусда жуда жаҳлим чиқди. Иккинчи бўлим анча ёқди. Биз кўплаб вазиятлар яратдик. Менинг мақсадим - жамоанинг ўсишига ёрдам бериш, шунинг учун қиладиган ишларимиз кўп.

Лападула? Бу менинг мауаммом эмас, "Милан"да рақобат кучли. Мен уни машғулотларда 110 фоиз ишлаганини кўряпман. Агар у ўз кучини сарфлашни билса, яхшироқ ўйнайди. Бакка бугун таътил олди. У "Севилья"нинг ўйинида бўлганини биламан, бунга менинг ва клубнинг рухсати бор. Умид қиламанки, у ерда яхши ҳордиқ чиқарди", - дейди Монтелла.