"Реал Сосьедад" бош мураббийи Эусебио Сакристан Испания чемпионатининг 13-турида "Барселона"га қарши учрашувда (1:1) ўз жамоаси ўйинидан хурсандлигини яширмади.
"Биз яхши ўйнадик, рақибдан барча жабҳаларда устунлик қилишга ҳаракат қилдик. Жамоамиз яхши прессинг қилди ва тўп билан яхши муомала қилди. Биз "Барселона"ни тўпсиз югуришга мажбур қила олдик. Биз жуда савияли рақиб устидан ғалаба қозонишни истаган эдик. Шунинг учун ғалаба қозонишимиз мумкин бўлган ўйиндан мамнунман", - дейди Сакристан.