Мадриднинг «Реал» клуби мавсумдаги кетма-кет иккинчи мағлубиятини қабул қилиб олди. Испания кубоги доирасида «Сельта»ни қабул қилган Зайниддин Зидан шогирдлари 1:2 ҳисобида енгилди.

Учрашув қаҳрамони сифатида виголиклардан Яго Аспасни кўрсатиш ўринли. У аввалига ҳисоб очувчи голга муаллифлик қилди. Кейинроқ эса голли узатмани амалга оширди. Мезбонлардан ҳисоб тенглаштирувчи гол Марсело ҳисобига ёзилди.

Испания кубогининг 1/8 финалида «Реал» «Севилья» клубини турнирдан чиқариб юборган бўлиб, сафардаги дуранг сабаб (3:3) мағлуб бўлмаслик серияси бўйича «Барселона»нинг рекордини янгилаганди.

Шундан кейин Ла лига доирасида яна ўша «Севилья» майдонида меҳмон бўлган «Реал» 1:2 ҳисобида имкониятни бой берди ва 40 та ўйин давом этган серияни якунлади. Энди эса «Сельта» Мадриддан ғалаба билан қайтди. «Реал» жорий мавсум ҳисобидан «Сантьяго Бернабеу»да мағлуб бўлмаганди.

Томонларнинг Виго шаҳрида кечадиган жавоб ўйини 25 январь санасига тайин қилинган. 1/4 финалдан жой олган яна икки беллашув эса бугун — 19 январь тунида бўлиб ўтади. Унинг доирасида «Атлетико» ўз майдонида «Эйбар»ни қабул қилса, «Барселона» сафарда «Реал Сосьедад»га қарши саф тортади.

Испания кубоги, 1/4 финал
18 январь, чоршанба
«Алькоркон» — «Алавес» 0:2
Голлар: Ибаи Гомес, 90 (0:1). Ибаи Гомес, 90+4 (0:2).
Четлатиш: Карлос Бельвис, 90+1 (Мезбон).

«Реал Мадрид» — «Сельта» 1:2
Голлар: Яго Аспас, 64 (0:1). Марсело, 69 (1:1). Хонни, 70 (1:2).
Реал Мадрид – Касилья, Варан, Марсело, Данило (Бензема, 80), Рамос, Кроос, Каземиро, Асенсио (Мората, 53), Модрич, Васкес (Ковачич, 71), Роналду.
Сельта – Альварес, Кабраль, Кастро, Мальо, Ронкалья, Радоя, Диас, Эрнандес, Васс (Гвидетти, 89), Бонгонда (Систо, 87), Аспас (Гомес, 82).
Огоҳлантиришлар: Рамос (6), Диас (42), Эрнандес (45).