Европа Чемпионлар лигасининг 1/8 финалидан жой олган «Барселона» — «ПСЖ» ва «Боруссия Дортмунд» — «Бенфика» ўйинлари бугун — 8 март тунида бўлиб ўтади.

Ҳар икки беллашув Тошкент вақти билан 00:45 да старт олади. Чемпионлар лигаси ўйинларини Ўзбекистон ҳудудида трансляция қилиш ҳуқуқини сотиб олган UzReport телеканали бунда ўйинлардан бирини танлаб олиши керак бўлади.

14 февраль куни бўлиб ўтган дастлабки тўқнашувларда телеканал «ПСЖ» — «Барселона» ўйинига эътибор қаратганди. Бу сафар ҳам шу ҳол такрорланиб, жамоаларнинг Каталонияда бўлиб ўтадиган жавоб ўйини жонли эфирда кўрсатилади.

Маълумот учун, «Барселона» Парижда рақибидан 0:4 ҳисобида енгилган бўлса, Дортмунд клуби Португалиядан 0:1 ҳисобидаги мағлубият билан қайтиб келганди.