ЕЧЛ. «Лестер» «Севилья»ни мусобақадан чиқариб юборди

Ўз тарихида илк марта Европа чемпионлар лигасида иштирок этаётган Англиянинг "Лестер" клуби чорак финалга чиқишга муваффақ бўлди. "Тулкилар" нимчорак финалда "Севилья"ни мусобақадан чиқариб юборишди.

Биринчи бўлимда инглизлар "стандарт" орқали ҳисобни очди: Морган тўпни дарвозага буриб қўйди. Бу ҳисоб "Лестер"ни тўла қаноатлантирарди. Шу боис, улар зич ҳимояни юзага келтиришди.

Иккинчи бўлим бошида Шекспир шогирдлари кам сонли ҳужумлардан бирини голга айлантиришди. Қанотдан етказилган узатмани ҳимоячи бош билан қайтарди. Тўпни эгаллаган Олбрайтон жарима майдончаси чизиғи устидан дарвозани ишғол қилди.

Ўйиннинг қолган дақиқаларида "Севилья" тўпни назорат қилиш бўйича катта устунликка эга бўлди, аммо рақиб мудофаасини ёриб ўтишга қийналди. Боз устига баҳснинг 74-дақиқасида Варди "тулки"лик қилди ва Насриниг майдондан четлатилишига эришди. Жейми "провакация" уюштирди ва Самир унинг пешонасига бошини қўйган заҳоти ўзини жабрланувчи қилиб кўрсатди. Ҳакам ҳар иккала футболчига сариқ карточка берди. Бу Насри учун иккинчиси эди.

Шунга қарамай, орадан кўп ўтмасдан, андалусияликлар пенальти ишлашга муваффақ бўлишди. Нзонзининг зарбасини Каспер Шмейхель маҳорат билан қайтарди. Ёдингизда бўлса, Севильяда бўлиб ўтган дастлабки ўйинда ҳам ушбу посбон пенальтини бартараф этганди.

Қолган дақиқаларда "Лестер" яхши ҳимояланишда давом этди. Ҳаттоки қарши ҳужумда гол уриш учун 2та имкониятга эга бўлди, аммо улардан фойдалана олмади.

Шу тариқа, дебютант "Лестер" еврокубокларда иштирок бўйича катта тажрибага эга бўлган "Севилья"ни ЕЧЛдан чиқариб юборди.

ЕЧЛ, нимчорак финал, жавоб ўйини, 00:45
"ЛЕСТЕР" - "СЕВИЛЬЯ" 2:0 (1:0)
Голлар: 1:0 – 27 Морган, 2:0 – 54 Олбрайтон.
Ноаниқ пенальти: Нзонзи (80, дарвозабон)
Лестер – Шмейхель, Морган, Фукс, Симпсон, Хут, Дринкуотер, Ндиди, Олбрайтон, Марез (Амарти, 90), Окадзаки (Слимани, 64), Варди.
Севилья – Рико, Пареха, Рами, Эскудеро, Меркадо (Мариано, 46), Нзонзи, Сарабия (Йоветич, 46), Насри, Иборра, Витоло, Бен-Йеддер (Корреа, 68).
Огоҳлантиришлар: Насри (18), Витоло (59), Варди (74), Шмейхель (79), Ндиди (84), Маҳрез (89).
Четлатиш: Насри (74).
Биринчи ўйин: 2:0

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

14/05 00:00	Астон Вилла	3-3	Ливерпуль
14/05 00:00	Барселона	2-0	Реал Сосьедад
14/05 19:00	Локомотив	0-2	ОКМК
14/05 22:30	Осасуна	1-1	Мальорка
15/05 00:00	Тоттенхэм	0-2	Манчестер Сити
15/05 00:30	Реал Мадрид	5-0	Алавес
15/05 01:00	Жирона	0-1	Вильярреал
15/05 22:30	Севилья	-	Кадис
15/05 22:30	Райо Вальекано	-	Гранада
15/05 23:45	Брайтон	-	Челси
16/05 00:00	Ман. Юнайтед	-	Ньюкасл
16/05 00:00	Реймс	-	Марсель
16/05 00:00	Ницца	-	ПСЖ
16/05 01:00	Сельта	-	Атлетик Бильбао
16/05 01:00	Хетафе	-	Атлетико
16/05 22:30	Лас-Пальмас	-	Бетис

ЕЧЛ. «Лестер» «Севилья»ни мусобақадан чиқариб юборди

ЭНГ КЎП ЎҚИЛГАН ЯНГИЛИКЛАР