Англия Премьер Лигасининг навбатдаги турида марказий ўйин сўзсиз “Арсенал” – “Манчестер Сити” баҳси. Goal нашри фурсатдан фойдаланиб, бу икки клуб либосида майдонга тушган футболчилар рўйхатини тузиб чиқди.
Эммануел Адебаёр – “Арсенал” либосида 104 марта майдонга тушиб, 46 гол уришга муваффақ бўлган. “Манчестер Сити” либосида эса 34 ўйин ўтказган. Бу ўйинларда атиги 15 гол ура олган.
Николя Анелка – “Арсенал” сафида 65 ўйин ўтказган ва 23 гол урган бўлса, “Манчестер Сити” таркибида 89 марта майдонга тушган, 37 голга муаллифлик қилган.
Гаэл Клиши – “тўпчилар” сафида 187 ўйин ўтказганига қарамай франсиялик ҳимоячи атиги 1 гол урган. “Шаҳарликлар” билан 129 учрашув ўтказган Клиши 2 гол уришга эришган.
Пол Дикав – Лондон жамоаси таркибида 20 беллашувда иштирок этиб, 3 бора рақиб дарвозабонларини ранжитган. Манчестер клуби либосида 36 бора майдонга тушган. 4 голни ўз ҳисобига ёздириб қўйган.
Самир Насри – “Арсенал” либосида 86 марта майдонга тушган, 18 гол уришга мушарраф бўлган. “Манчестер Сити” билан 124 марта майдонга тушиб, 17 гол ура олган.
Бакари Саня – Венгер қўли остида 213 учрашув ўтказган. Ҳимоячи бу баҳсларда 4 гол уришга эришган. Кейинчалик Манчестерга кўчиб ўтган франсиялик ҳимоячи ҳозирча 50 учрашув ўтказган. Бирорта ҳам гол ура олмаган.
Дэвид Симан – “Арсенал” афсоналаридан бири Дэвид Симан 325 баҳсда лондонликлар дарвозасини қўриқлаган. Ҳисобида ҳеч қандай гол йўқ. кейинчалик ўз омадини “Манчестер Сити”да синаб кўрган Симан атиги 19 учрашув ўтказа олган.
Силвинё – бразилиялик ҳимоячи “Арсенал” сафида 55 бора майдонга тушган ва 3 гол урган. Фаолиятининг сўнггироғида эса “Манчестер Сити”да ўтказган ҳимоячи 10 бора майдонга тушган.
Коло Туре – “Арсенал” сафида 225 учрашувда иштирок этган. 9 голга муаллифлик қилган. Кейинчалик “Манчестер Сити” аъзосига айланган Коло Туре жамоа сафида 82 учрашув ўтказган. 2 голни ўз ҳисобига ёздириб қўйган.
Патрик Виейра – “Арсенал”нинг навбатдаги афсоналаридан бири Виейра 279 учрашув ўтқазиб, 29 гол уришга эришган. Фаолиятининг якунида “Манчестер Сити”да ҳам ўз омадини синаб кўрган франсиялик футболчи 28 беллашувда майдонга тушиб 3 голга муаллифлик қилган.
