«Реал» клуби футболчилари ва мураббийлари чемпионлик унвони қўлга киритилгач, Мадриднинг Пласа Сибелес майдонига ташриф буюришди.
Маълумки, «Қироллик клуби» катта ғалабаларни ҳар доим Пласа Сибелесда нишонлайди. Бу сафар ҳам футболчилар мухлислар билан бирга ўз ҳиссиётларини яширишмади.
Жумладан, «Реал»нинг ашаддий рақиблари бўлмиш «Барселона» ва «Атлетико» клуби футболчилари шаънига «илиқ» сўзлар айтилди. Хусусан, сўнгги пайтларда «Реал»га таъна тошларини отувчи Херард Пикега ҳаммадан кўп «улуш» тегди. Marca хабарига кўра, футболчи ва мухлислар бир овоздан: «Пике, эшак, чемпионни табрикла» - деб хитоб қилиб туришди.
