Испания солиқ хизматининг маълум қилишича, "Реал" ҳужумчиси Криштиану Роналду 2011 дан 2013 йилгача солиқ тўлашдан бўйин товлаган ва бунингоқибатида ғазнага 8 миллин евро келиб тушмаган, дея хабар беради Cadena Ser.
Ҳозирда солиқ хизмати португалиялик футболчининг ҳаракати жиноят ёки маъмурий ҳуқуқбузарлик эканини аниқламоқда. Гап шундаки, мамлакат молия органи суриштирув эълон қилганидан сўнг Роналду ўз ишларини тартибга келтиришга шошилган. Бу масала ҳозир прокуратура зиммасида. Агар Роналдунинг ҳаракатлари маъмурий ҳуқуқбузарлик деб топилса, у давлат ғазнасига 8 млн евро тўлайди. Агар унинг иши солиққа оид жиноят деб топилса яна ўша суммадаги жарима билан 4 ойлик қамоқ жазоси тайинланади.
