Ушбу мавсумнинг сўнгги турида қозонилган ғалабадан сўнг, “Реал” узоқ кутилган Ла Лига чемпионлигини қўлга киритди. Бу албатта, мавсум мобайнида етакчи футболчиларининг кўрсатган маҳоратлари эвазига бўлди.
Бироқ, “қаймоқлилар”нинг энг яхши ўйинчиси мақомига ким ҳақли? Рамос, Модрич, Бейл, Иско, Хамес, Асенсио, Марсело, Карвахалларнинг жамоада ўз ўрни бор. Бироқ, Goal ашри талқинига кўра энг яхшилар қуйидагича:
Алваро Мората
Жамоанинг асосий ҳужумчиси Карим Бензема Ла Лига ва Чемпионлар Лигасида (айниқса, « Атлетико »га қарши баҳсда) бир текис бўлмаган юқори савиядаги ўйинларини намойиш этди. Бироқ, захирада ўтирадиган Мората эса Ла Лига ўйинларида анча самарали натижаларга эришди. Айнан у 15 гол киритиб, клубда Криштиану Роналдудан (25 гол) кейинги энг яхши тўпурарга айланди.
Моратанинг голлари ҳам муҳим бўлди. Унинг “Вилярреал”га киритган ғалаба тўпи, “Селта”, “Спортинг Хихон” жамоаларига киритган голлари, “Леганес”га киритган хет-трики “Реал”нинг чемпионлик учун курашишида муҳим аҳамият касб этди.
Тони Кроос
Германиялик футболчи ушбу мавсумда жамоанинг юрагига айланди. 2014-йилда « Қироллик клуби »га келиб қўшилган Кроос ўзининг энг яхши мавсумини ўтказди. 27 ёшли ярим ҳимоячи « Селта »га қарши баҳсда жамоасига ғалаба келтирган ягона голини урди. Унинг 11 голли узатмалари, айниқса, « Эл cласиcо »да ёки « Депортиво »га қарши баҳсда Рамосга узатган тўпи беназирликка айланди. Унинг 92,1 % аниқ пас узатмаси Ла Лиганинг энг яхши кўрсаткичга айланди.
Криштиану Роналду
Баъзи мухлислар португалиялик юлдузни “Бавария”, “Атлетико”, “Кашима Антлерс”га қарши кечган баҳсларда ўзининг энг яхши ўйинларини ўтказди деган фикрда. Бироқ, КР7 « Реал » учун чемпионат доирасида 25 гол уришга эришди ва жамоасининг тўпурарига айланди.
Зидан эса унга керакли пайтда дам олишига имкон бериши мавсумнинг якуний қисмига юқори спорт формасида етиб келишини таъминлади. Чемпионлар Лигаси ярим финалида “Атлетико”га киритилган хет-трик ёки Ла Лига доирасида “Висенте Калдерон”да урган голлари унутилмас санъат асарларига айланди. Тўпурарлик билан бирга жамоадошларини ҳам тўп билан таъминлаб туришни унутиб қўймади. Унинг 6 голли узатлани амалга ошириши бунинг яққол исботидир. Роналду ҳақли тарзда “Реал”нинг мавсумдаги энг яхши ўйинчиси бўлишга муносиб!
