"Реал" ҳужумчиси Криштиану Роналду шу ҳафтага мўлжалланган Лондон сафарини бекор қилди, дея хабар беради Mirror.
Португалия терма жамоаси футболчиси мушакларни ривожлантирувчи SixPad Training Gear стимуляторининг реклама акциясида иштирок этиши лозим эди.
Фирма баёнотида шундай дейилган: "Буюк Британияда террорчилик хавфи фаоллашгани туфайли Роналду иштирокидаги акциялар қолдирилганини афсус билан маълум қиламиз".
Эслатиб ўтамиз, 22 май куни "Манчестер Арена"да Ариана Гранденинг концертидан сўнг портлаш содир бўлган ва 22 киши ҳалок бўлган ва 120 киши жароҳатланган.
