"Реал" бош мураббийи Зинедин Зидан мадридликлар билан ишлашда давом этишни истаётгани ва бу жамоани ўз уйи деб билишини маълум қилди.
"Менинг шартномам яна бир йил амалда бўлади, аммо бу ҳеч нарсани англатмайди. Мен бу жамоада ишлашда давом этмоқчиман, аммо бу майдондаги натижаларга боғлиқ. Ўйлайманки, клуб бизнинг ишларимиздан мамнун. Ҳозир эса мен учун келажак - бу шанба куни, бошқа ҳеч нарса эмас.
Менда "Реал" ДНКси бор, бу аниқ. Бу менинг уйим. Мени бу ерда ҳар доим севишган, ўзим эса клуб қадриятларини ҳимоя қилганман. Мен бу ерда ўйинчи, ассистент ва ниҳоят мураббий сифатида ажойиб тажриба орттирдим. Мен ҳар доим "Реал" мухлиси бўлганман, чунки бу менинг ҳаёт клубимдир", - дейди Зидан.
