«Реал» ҳужумчиси Криштиану Роналду «Манчестер Юнайтед» дарвозабони Давид Де Хеанинг трансфери ҳақидаги гап-сўзларга муносабат билдирди.
«Кейлор Навас – «Реал»нинг дарвозабони. Де Хеа ҳам зўр посбон, аммо у Манчестерда.
Бу клубнинг ўзига хос хусусияти бор. У ерда ҳар мавсумда 50 футболчи ҳақида сўз кетади, аммо 1 ёки 2 футболчи жамоага келади, ундан ортиғи эмас» - деди Роналду.
Аввалроқ, «Манчестер Юнайтед» Де Хеани «Реал»га 60 млн фунтга сотмагани ҳақида хабарлар чиққан эди.