«Реал» ҳужумчиси Криштиану Роналду катта эҳтимол билан Испания суди олдида жавоб беради.

AS хабарига кўра, Мадрид прокуратураси 32 ёшли футболчини 14,7 млн евро миқдорида солиқ тўлашдан бўйин товлаганлиги ҳақидаги айблов хулосасини судга топширди.

Тергов ҳаракатлари натижасида, Роналду 2010 йилдан буён даромадларини яшириш мақсадида оффшор компаниянинг хизматидан фойдаланиб келгани, 2011-2014 йилларда имиж ҳуқуқини сотишдан олинган даромадлар шу йўл орқали яширилгани аниқланди.

Натижада, Криштиану Испания солиқ идорасидан 2011 йилда 13,9 млн евро, 2012 йилда 16,6 млн, 2013 йилда 3,2 млн, 2014 йилда 8, 50 млн евро миқдорида қарздор бўлган.