«Барселона» ва Туркия терма жамоаси яримҳимоячиси Арда Турон навбатдаги муаммога дуч келди.
Бир неча кун олдин футболчи казинога ташриф буюриб, катта миқдордаги пулдан айрилган. Дастлаб у икки автомобилнинг нархига тенг миқдордаги маблағни покер ўйинида ютқазган. Бироқ, шундан сўнг ҳам ўйинни тўхтатмасдан, катта пуллардан айрилган.
Radio Catalunya журналисти Хави Кампос хабарига кўра, Арда покер ўйинига берилиб кетгани сабабли, жуда кўп марта молиявий муаммоларга дуч келган. Унинг маоши йилига 4 млн евро бўлишига қарамай, футболчи маблағ етишмаслигидан азият чекиб юради.
