"Барселона" яримҳимоячиси Денис Суарес жамоадоши Лионель Месси шарафига илиқ сўзлар битди.
"Барселона"да мени ҳамма ҳайрон қолдирди, аммо Мессини алоҳида таъкидлашни истардим. Четдан қараганда у билан мулоқот қилишнинг имкони йўқдай туюлади. Аммо кийиниш хонасида Лео ҳамма қатори ўйинчи. У шунчаки ажойиб инсон.
У, Неймар ва Луис Суарес мени биринчи кунданоқ жуда илиқ кутиб олишди. Ҳар уччови билан муносабатим яхши, аммо Суарес билан кўпроқ тил топишдим. Кийиниш хонасида у билан ёнма ён бўламан ва у мени қўллаб-қувватлайди", - дейди Денис Суарес.
