«Барселона» ҳужумчиси Пако Алькасер жамоадаги дастлабки мавсумига якун ясади.
«Барселона»даги илк мавсум мен учун осон кечмади. Олдин жуда қийналдим, гол уриш насиб қилмади. Бироқ мавсум охирида 12та ўйинда 7та гол уриб, 2та голли узатмани амалга оширдим. Натижада, ўзимга бўлган ишонч ортди.
«Барселона»ни тарк этиш ҳақида ҳеч қачон ўйламаганман, яна кўп йиллар давомида жамоага ёрдам бермоқчиман. Бу жамоада босим жуда кучли. Дастлабки голимни урганимда елкамдан тоғ ағдарилгандай бўлди. «Барселона»да ҳатто кет билан урилган голларга ҳам хурсандман» - деди Алькасер Marca хабарида.
