Очиғи, терма жамоамизнинг келажаги ҳақида ўйлар эканман, беихтиёр унинг илдизига назар ташладим. Яъни терма жамоамизга футболчилар клублардан қабул қилинади. Клубларга эса уларнинг академиялари футболчи етиштириб беради. Демак, ўзбек футболининг, терма жамоамизнинг юраги том маънода биз ҳар доим ҳам эътибор бермайдиганимиз ва одатда панжа ортидан қарайдиганимиз академиялардир. Хўш, академияларда ҳамма нарса шаффофми? Ҳамма нарса одиллик билан қилиняптими?
ОчиғИ, шу пайтгача бундай иккиланишга бормагандим, чунки академияларга шубҳа билан қараш хаёлимга ҳам келмаганди. Бироқ яқинда бир танишим айтиб берган воқеа сабаб хавотирим ортди, билдимки, ўзбек футболи юрагини ёғ боса бошлабди.
— Хўжайиним ўғлини академияга берди, — деди у танишим. — Яхшигина пул тўлади.
— Йўғ-е, пул ҳам бердими?
— Ҳа, албатта. Ўзи унча тузук ўйнай олмайди, кўрганман, лекин эди пул тўлагандан кейин… Яна ўзи бориб машғулотларни кузатади. Чунки у бормаса мураббийи ўғлини кўп ҳам майдонга туширмас экан, оталар бориб, мураббийдан болаларини кўпроқ ўйнатишни талаб қилишаркан.
— Мураббий аралашманг, бу менинг ишим, иқтидорига қараб тушираман, демас эканми?
— Ие, қаёқда? Отнинг калласидек пул олгандан кейин нима ҳам дея оларди?
Мана сизга ўзим эшитган воқеа. Энди бунинг чин ёки ёлғонлигини ёлғиз Яратган билади (ишқилиб, ёлғон бўлсин). Лекин академияларга пули йўқлиги туфайли аъзо бўла олмаган бир нечта иқтидорли болаларни эшитганман. Шунда битта савол қийнайди мени:
