"Барселона" яримҳимоячиси Иван Ракитич "Реал"га (3:2) қарши ICC-2017 ўйинида нега ҳакам билан жанжаллашиб қолганини айтди.
Голлардан бирининг муаллифи Ракитичнинг таъкидлашича, бош ҳакам Жаир Маруффо уни бир неча марта ҳақорат қилган.
"Мени мувозанатдан чиқариш осонмаслигини танишларим жуда яхши билади. Аммо бош ҳакам бу ишни уддалади. У уч марта мени қаттиқ ҳақорат қилди. Одатда мен ҳакамларни ҳурмат қиламан, бироқ мени ҳурмат қилмасликларини ёқтирмайман. Бу ҳакам эса ўзининг устунлигини намойиш қилмоқчи бўлди", – деди Ракитич Marca хабарида.
Қизиғи шундаки, ҳакам билан қаттиқ тортишган 29 ёшли футболчи ҳатто огоҳлантириш ҳам олмади.
