"Монако" вице-президенти Вадим Васильев ҳужумчи Килиан Мбаппенинг трансфери ҳақида гапириб берди.
"Килиан Мбаппе "ПСЖ" клубига 180 млн евро эвазига ўтди. Биз уни таркибимизга бепул қўшиб олган эдик, демак бу трансферни футбол тарихидаги энг яхшиси деб айтиш мумкин.
Биз "ПСЖ" билан музокара ўтказаётганимизда бу нархнинг умуман пасайтирмаслигимизни билдирдик. Чунки бошқа клублар ҳам бу нархни тўлашга тайёрлигини айтган эди. Мбаппенинг оиласи ҳам биз тараф бўлиб турди. Футболчининг отаси ва агенти "Монако" клуби қўйган шартлар бажарилсагина, ўғлини Парижга кўчиб ўтишини айтди.
Натижада, парижликлар 180 млн евро тўламагунча уни қўлга киритолмаслигини тушуниб етди" - деди Васильев.
