16 ёшли марказий ярим ҳимоячи Арнау Пучмал «Манчестер Юнайтед» сафига қўшилганини тасдиқлаб ўтди. Футболчи ўз ижтимоий тармоғига расм жойлаштириб, қуйидагиларни ёзиб қолдирди:
«Манчестер Юнайтед» аъзоси бўлганимдан катта хурсандчилик ва фахрни хис қиляпман. Орзуйим амалга ошди. Ишлаш вақти келди. Олға «қизил иблислар».
Пучман яқинда Mediterranean International Cup турнирининг энг иқтидорли футболчиси бўлганди. Ушбу мусобақада бир вақтлар Месси ва Фабрегаслар ёрқин ўйинлари билан ёдда қолишган эди. Бундан ташқари у 18 ёшгача бўлган Испания терма жамоаси сафида гол уришга ҳам улгурди.
Пучман жорий мавсумдан бошлаб «МЮ»нинг ёшлар жамоасида тўп суради.