«Манчестер Юнайтед» клубининг собиқ мураббийларидан бири Тони Котон ҳужумчи Криштиану Роналду ҳақида қизиқ маълумотларни етказди.
«Роналду "МЮ" клубига келганида, ҳар бир тўқнашувда йиқилиш одати бор эди. Шундан сўнг, Фергюсон уни чидамли футболчи қилиб тарбиялашга қарор қилди.
Икки томонлама ўйинларимизда, ҳакамларга Роналду йиқилган ҳар қандай ҳолатда ҳам жарима зарбаси белгиламаслик вазифаси топширилди. Албатта, Криштиануга бу ҳақда ҳеч нарса айтилмади.
Натижада, Роналдуга қарши қоида бузилса ҳам, ҳакам ўйинни тўхтатмади. У эса португал тилида бир нарсаларни бақириб, ерда ўтирганича қолиб кетаверарди.
Роналдуни қайта тарбиялаш қийин бўлган. Аммо Фергининг бу услуби ўз мевасини берди», - деди Котон Goal хабарида.
