ЦСКА клуби ЕЧЛ гуруҳ босқичининг 2-турида "МЮ" клубига 1:4 ҳисобида ютқазди.
Натижада, жамоа дарвозабони Игорь Акинфеев Чемпионлар лигасидаги қаторасига 41-ўйинда гол ўтказиб юборди ва ўз антирекордини узайтирди.
Аввалги рекорд ПСВ дарвозабони Роналд Ватерресга тегишли бўлиб, у қаторасига 16та ўйинда ўз дарвозаси даҳлсизлигини сақлаб қололмаганди. Акинфеев бу антирекордни 4 йил олдин янгилади.
Таъкидлаш жоизки, Акинфеев антирекорди Чемпионлар лигасининг гуруҳ босқичи ва плей-офф ўйинлари учун алоҳида ҳисобланади. Саралаш ўйинларидаги натижалар бунга киритилмайди.
