ПСЖ ҳужумчиси Неймар Бразилия терма жамоаси машғулотини эртароқ тарк этишга мажбур бўлди.
25 ёшли футболчи икки томонлама ўйин пайтида Паулиньо ва Диего Тарделли билан тўқнашиб кетган. Тўқнашувлар жиддий бўлмаган, аммо Неймар ҳар эҳтимолга қарши машғулотни давом эттирмасликка қарор қилган.
Эслатиб ўтамиз, Неймар ёзда "Барселона"дан ПСЖ клубига ўтган эди. Паулиньо эса "Гуанчжоу Эвергранд"дан "Барселона"га келди.