“Бавария” спорт директори Хасан Салихамижич клуб шифокори Фолькер Браунни шармандаларча ишдан бўшатди. Бунга шифокорнинг Алаба ва Жером Боатенгга нотўғри ташхис қўйгани сабаб бўлди.
Бу икки футболчи “Боруссия” клубига қарши ўйинда мушакларидан жароҳат олишганди. Ўйиндан кейин эса Брауннинг ташхиси Салихамижични шубҳалантирди ва у аввал “Бавария”да ишлаган шифокор Вильгельм Мюллер-Вольфартга мурожаат қилди. Собиқ шифокорнинг хулосаси эса Брауннинг ташхиси нотўғри эканлигини исботлаб берди.
Вильгельм “Бавария”дан ўз хоҳишига кўра кетган.
