"Манчестер Юнайтед" ҳужумчиси Маркус Рашфорд болалигида бразилиялик машҳур футболчи Роналдонинг ўйини кузатгани ва унга тақлид қилганини айтди.
Ўз навбатида Роналдо ҳам Рашфордда ўзининг ёшлигини кўраётганини айтган эди.
"Мен унинг ҳамма ўйинларини кўрганман. Албатта, уҳамма совринларни ютган қойилмақом футболчи. Шунинг учун ўзинг ҳақингда у айтган гапларни эшитиш ёқимли.
Мен унинг ҳамма ўйинларини YouTube да кўрганман. Ҳаётда эса биринчи марта 2003 йилда "Олд Траффорд"да кўрганман. У "МЮ" билан ўйинда "хет-трик" қилган. Мен 5 ёшда эдим. У менинг акамнинг севимли ўйинчиси бўлган.
Болаллик вақтда энг яхши ўйинчиларга тақлид қиласиз. Мен Роналдога тақлид қилар эдим", - дейди Рашфорд.
