"Манчестер Юнайтед" бош мураббийи Жозе Моуриньо жамоа ҳимоячиси Фил Жонснинг жароҳати бўлсада Англия терма жамоасига чақирилганидан норози бўлди.

Жонс Германия терма жамоаси билан ўйинда (0:0) сонидаги жароҳати билан ўйнади ва яна жароҳат олди. У 18 ноябрь куни "Ньюкасл"га қарши ўйинда "МЮ"га ёрдам бера олмайди.

"Жароҳати бор ўйинчи терма жамоанинг ўртоқлик учрашувида қатнашиши тўғри деб ўйламайман. Жонс уч ҳафта давомида жароҳат билан бўлди ва уни "Челси"га қарши муҳим ўйинда қўйдик. Кейин терма жамоага бориб, жароҳат билан қайтди.

Баъзи клубларнинг ўйинчилари тирноғи, жимжилоғи лат еса ҳам ёки озгина шамоллаб қолса ҳам термага чақирилмайди. БУ клубларнинг ўйинчилари бундай вақтларда маза қилиб дам оладилар. Баъзи клубларнинг мураббийлар виждонли, улар ўйинчиларига терма жамоа ўйинларига рухсат берадилар. Бундай мураббийлар кейинчалик икки ҳисса тўлайдилар", - дейди Моуриньо.