“Манчестер Юнайтед”нинг собиқ таржимони Ди Мария билан боғлиқ қизиқ ҳолатни гапириб берди. Дебор Гомеснинг фикрича, аргентиналик футболчи “Манчестер Юнайтед”га иқтисодий сабаб туфайли ўтган экан.

“Мен клуб раҳбариятидан “Ди Марияни харид қилсак, кўпроқ футболка сота оламиз”, деган гапни эшитгандим. Айни шунинг учун Ди Мария кейинчалик норози бўлганди. У клубга мослашиб кета олмади. Биринчидан, жамоада ҳеч ким билан тил топиша олмаган бўлса, иккинчидан, кейинроқ кўпроқ футболка сотиш учун харид қилинганини фаҳмлаб қолди”, дейди Дебор Гомес.

“Қизил иблислар” Ди Марияни 2014 йилда 75 млн еврога харид қилишганди. Ди Мариянинг футболкалари 2014-2015 йилги мавсумда анча муваффақиятли сотилди, у умумий бозорнинг 9,59 фоизини банд қилди.