“Манчестер Юнайтед” клуби ҳужумчиси Златан Ибрагимович “Ньюкасл”га қарши учрашув (4:1) да захирадан майдонга тушди.

36 ёшли швециялик футболчи ўйиннинг 77-дақиқасида Антони Марсьяльни алмаштирди. Гап шундаки, Ибрагимович 7 ойдан сўнг аниқроғи, 216 кундан сўнг илк марта бугун майдонга қайтди.

Эслатиб ўтамиз, Златан апрель ойида “Андерлехт”га қарши учрашув (2:1) да тиззасидан жиддий жароҳат олиб сафдан чиққанди.

“МЮ” жароҳат олган бўлишига қарамай, Ибрагимович билан август ойида бир йиллик шартнома имзолаганди.