"Манчестер Юнайтед"нинг чап қанот ҳимоячиси Люк Шоу "Тоттенҳэм" қизиқишлари доирасига тушиб қолди.
Лондонликлар англиялик 22 ёшли футболчини қишки трансферлар чоғида сотиб олмоқчилар.
Шоу "шпорлар" бош мураббийи Маурисио Почеттино билан "Саутгемптон"даги ҳамкорликдан яхши таниш. Аммо бу трансферга "Тоттенҳэм"даги паст маош ҳалақит бериши мумкин.
Аввалроқ, "МЮ" Шоуни 20 миллион фунтга сотишга тайёрлиги хабар қилинган эди.
Манчестерликлар, ўз навбатида "Тоттенҳэм"дан чап қанот ҳимоячиси Дэнни Роузни сотиб олмоқчилар. Футболчи билан Почеттинонинг муносабатлари яхши эмас.
Бундан ташқари 27 ёшли футболчи август ойида клубнинг трансфер сиёсатини танқид қилган, шундан бери у майдонга бир марта тушган, холос.
