«Манчестер Юнайтед» ярим ҳимоячиси Хуан Мата Премьер-Лиганинг 12-турида «Ньюкасл» устидан қозонилган йирик ғалаба ҳақида гапириб ўтди. Учрашув Манчестер шаҳрида “Олд Траффорд” стадионида бўлиб ўтди ва унда мезбонлар 4:1 ҳисобида зафар қучди.

“Шанба куни эришилган ғалаба биз учун ўзига ҳос бўлди, чунки бу бизнинг ушбу мавсумдаги илк иродали ғалабамиз. Бундан олдинги ўйинларда биз ҳисобни очиб, ғалаба қозонар эдик. «Ньюкасл»га қарши баҳсда биз тўп ўтказиб юбориб, сўнгра ўйинни бутунлай ўзгартира олдик.

Биз намойиш этган ўйин олдимизга қўйган мақсад ва иродамизни кўрсатиб берди. Етти кун ичида бизни учта муҳим учрашув кутиб турибди, жуда қизиқ бўлади”, - дея Мата сўзларини келтирмоқда клуб расмий сайти.