"МЮ" бош мураббийи Жозе Моуриньо ЕЧЛ гуруҳ босқичининг 5-турида "Базель"дан учралган мағлубият (0:1) ҳақида фикр билдирди.

"Биз биринчи бўлимда ҳисобни 5:0 қилишимиз керак эди, шунинг учун мағлуб бўлдик. Аммо битта ҳам гол ура олмадик. Биринчи бўлимда устунлик қилдик. "Базель"ни ютиб бўлмайдигандек кўринди.

Иккинчи бўлимнинг катта қисми нормал ўтди, ўйин 0:0 ҳисоби билан тугайдигандек туюлди, аммо рақиб ҳисобни очди.

Блинд ўтказиб юборилган голда ўзини айблаши шарт эмас. У яхши ўйнади. Айб бутун жамоада, чунки жуда кўп вазиятлардан фойдалана олмади.

Охирги турда бизга ғалаба керак эмас, ҳатто дуранг ҳам керак эмас, аммо ғалаба қозонишга ҳаракат қиламиз", - дейди Моуриньо.