"Манчестер Юнайтед" қишки трансферлар чоғида ўз сафига ҳужумчи қўшиб олмоқчи.
Бош мураббийи Жозе Моуриньо жамоа ҳужумчилари Златан Иброҳимович ва Ромелу Лукакунинг ёмон ҳолатлари сабабли ҳужум марказига футболчи топа олмаяпти. Маркус Рэшфорд ва Антони Марсиал қанот ўйинчилари сифатида қаралмоқда.
The Times хабарига кўра, манчестерликлар "Арсенал" ҳужумчиси Алексис Санчесдан ташқари "Лестер Сити" ҳужумчиси Жейми Вардини олиб келиш ёки "Вест Ҳэм"дан Хавьер Эрнандес"ни қайтариш ҳақида ўйламоқдалар.
Матбуот фикрига кўра, бу рўйхатда энг қиммати Варди ҳисобланади, унинг трансфери 35 миллион фунтга яқин туради.
