«Челси» бош мураббийи Антонио Конте Алексис Санчеснинг «Манчестер Юнайтед»га ўтгани борасида ўз фикрларини билдириб ўтди.

«Манчестернинг ҳар икала клуби — бақувват. Уларни жадвалда ортда қолдириш осон иш эмас. Улар футболчиларни сотиб олиш учун катта пулларни сарфлашмоқда. Санчеснинг трансферига аҳамият беринг. Фақат икки жамоа унинг маошини тўлашга қодир.

Лекин бу бозор. Неймарни сотиб олишни истасанг, унга 25 млн фунт маош тўлашинг керак. Месси, Роналду ёки Санчесни киритишни истасанг, уларга маош тўлашга тайёр бўлишинг керак. Санчес катта маош талаб қилгани боис биз у учун курашга қўшилмадик.

Биз ўз жамоамизни кучайтиришимиз керак. «Челси» тарихини яратган бир неча ёши катта футболчилар сўнгги йилларда сафимизни тарк этишди. Ҳозир биз ўтиш даврини бошимиздан кечиряпмиз. Ушбу мавсумни омадли кечяпти деб айта оламан. Соврин муҳим эмас, муҳими, мураббийлар ва футболчилар сидқидилдан ишлашмоқда», – деди Конте.