"Манчестер Юнайтед" бош мураббийи Жозе Моуриньо Англия кубогида "Йовил" устидан қозонилган ғалабадан сўнг (4:0) фикрлари билан ўртоқлашди.

"Агар тўғри тайёргарлик кўрмасангиз, ўйинлар қийин бўлади. Биринчи бўлимда қийналдик, рақиб бизга прессинг уюштирди ва тажовузкор ҳаракат қилди. Мураббийи жамоасини майдон четида бошқарди, "Йовил" яхши ўйин кўрсатди.

Иккинчи бўлимда ўйин назоратини ўз қўлимизга олдик ва ўзимизга ғалабани нақд қилдик.

Санчес – фантастик трансфер бўлди, бундан ҳамма хурсанд. Яхши футболчилар яхши футболчилар билан бирга ўйнашни истайди. Аммо гап майдонга ким тушишида.

Бизда ажойиб ҳужумкор футболчилар йиғилган бунга Санчес ҳам қўшилди. Иккинчи голда у шундай тўп узатдики, Рэшфорд ҳаяжон туфайли бунга жазм қилмаган бўлар эди. У жамоага тажриба ва маҳорат олиб кирди", - дейди Моуриньо.