Россиялик таниқли футболчи, "Сельта"нинг собиқ ҳужумчиси Александр Мостовой британиялик футбол эксперти Жейми Каррагернинг сўзларига изоҳ берди.

Куни кеча "МЮ" мухлисининг машинасига тупурган Каррагер ўз вақтида Мостовой унга тупурганини эслаган эди.

"Тўғрисини айтсам, буни эшитиш кулгули. Каррагер аввал ҳам буни айтган эди. Буни бугун яна такрорлади. Мен атайлаб ўша ўйиннинг видеосини топдим ва вазиятни қайта кўрдим. Ҳеч нарса бўлмаганига яна бир ишонч ҳосил қилишим учун.

Бу мана бундай бўлган эди. Биз Вигода ўйнаётган эдик, мен гол урдим, Каррагер эса мени шахсан қўриқлаган эди, ҳар доимгидай қўпол ва ифлос ўйин. Унинг олдига яқинлашиб, "ҳозир оладиганингни оласан" дедим. Ёки шунга ўхшаш гапни айтдим.

Тупуриш - аҳмоқлик. Уч йил аввал Каррагернинг бу гапини ээшитиб ҳайрон қолгандим. Шунинг учун унинг гапларига эътибор бермайман - бу ишни ҳаётда қилмаганман.

Каррагернинг мухлисга тупурганига келсак, уни бўшатмасалар керак. Тушунишимча, унинг асабига тегишган. Йўлда кетаётиб, унинг жиғига тегишган. У нима қилиши керак эди?

Қаранг-а, йўлда кетаётганимда кимдир мени ҳақорат қила бошласа! Шу заҳоти тўхтаб, унинг башарасини ёрардим", - дейди Мостовой.