Бразилиялик ҳужумчи Неймар мавсум якунидан сўнг "Пари Сен-Жермен"ни тарк этиши мумкин.
Футболчи Twitter ижтимоий тармоғига "Барселона" ҳужумчиси Лионель Месси билан бирга тушган суратини жойлади ва каталонияликлар сафига қайтишига шаъма қилди.
"Буюк воқеалар содир бўлиб туради. Тез орада билиб оласиз", - деб ёзади Неймар.
Эслатиб ўтамиз, Неймар "Барселона" 2017 йилнинг ёзида тарк этган эди.
Мавсум давомида унинг парижликлар сафини тарк этгиси келаётгани, унга "МЮ" ва "Реал" клублари харидор бўлаётгани ҳақида хабарлар бўлиб турди.
Бошқа хабарларга кўра, Неймар "Барселона" раҳбарияти билан боғланиб, клубга қайтиш истагида эканини маълум қилган.
