"Манчестер Юнайтед" ҳужумчиси Ромелу Лукаку Англия кубоги яримфиналида "Тоттенҳэм" устидан қозонилган ғалабадан сўнг (2:1) фикрлари билан ўртоқлашди.
"Биз яхши рақибни мағлуб этдик, олдинда финал ва бу ажойиб. Бу биз истаган нарса. Чемпионат тугагунча "МЮ"да тўрт ўйин қолди, уларни яхши ўтказишимиз керак, кейин эса финал.
Англия кубогини қўлга киритсак, зўр иш бўлар эди, аммо ҳозир бу ҳақида гапиришни истамайман. Мен шунчаки, мавсумни яхши тугатиш ҳақида ўйлаяпман. Умид қиламанки, иккинчи ўринни оламиз, бу бизга финал олдидан ёрдам беради", - дейди Лукаку.
"Юнайтед" Англия кубоги финалида "Челси" билан ўйнайди.
