"Реал" клуби ва Хорватия терма жамоаси яримҳимоячиси Матео Ковачич Бразилия терма жамоаси бидан ўртоқлик учрашуви олдидан бир нечта суратларни Инстаграмга қўйди ва бу билан "Ливерпуль" ишқибозларини ғазабини келтирди.
Гап шундаки, бугун 3 июнь куни Хорватия ва Бразилия термалари ўртасида ўртоқлик учрашуви "Ливерпуль"нинг уй стадионида бўлиб ўтади.
Кеча учрашув олдидан Ковачич "Реал"нинг бошқа ўйинчилари - бразилиялик Марсело, Каземиро ва хорватиялик Лука Модрич билан "Энфилд"да "Ливерпуль" эмбламаси олдида кулиб суратга тушганлар. Буни "Ливерпуль" ишқибозлари ҳақорат деб қабул қилганлар.
Эслатиб ўтамиз, 26 май куни ЕЧЛ финалида "Реал" "Ливерпуль"ни 3:1 ҳисобида мағлуб этган.
