«Реал» сардори Серхио Рамос «Ливерпуль» дарвозабони Лорис Каруис ЕЧЛ финалида унинг зарбасидан кейин мия чайқалиши олгани ҳақидаги хабарни истеҳзо билан қабул қилди.

«Оббо, Салоҳнинг жароҳати ҳақидаги гаплар ўзи етарли бўлаётганди. Бу ҳақда гапиришни истамайман, боиси, бўрттириб юборишяпти.

Салоҳ менинг қўлимдан ушлаб олди. Мен бир томонга йиқилдим, у нариги қўлини жароҳатлаб олди. Лекин ҳозир ҳамма мени дзюдо услубида йиқитди деб ҳисобламоқда.

Энди эса мен дарвозабонга зарба бериб, мия чайқалишига сабабчи бўлган эканман. Фақатгина гапирмаган Фирмино қолди: терлашим оқибатида унинг устига тушган сув сабабли у шамоллаб қолгандир?

Салоҳ билан гаплашдик. Унинг ҳолати яхши эди. Агар у истаганида укол ёрдамида иккинчи бўлимни ўтказиши мумкин. Мен бир неча марта шундай қилганман.

Рамос иштирокида шундай воқеа юз берса, бунга катта аҳамият қаратишади. Билмадим, нима учун бундай. Балки анчадан бери "Реал"да ўйнаётганим учундир, ёки кўп мусобақаларда ғолиб чиққаним учундир, лекин одамлар бошқача баҳо беришади», – деди Рамос.