Marca нашри сўнги тўққиз йилдаги “Атлетико” ва “Реал Мадрид”нинг баҳоси ҳақида маълумот бериб ўтди.

Ўтган мавсумда “матрасчилар” футболчиларининг нарҳи 740,3 миллион еврони, “қаймоқранлилар” футболчиларининг нарҳи 941,8 миллион еврони ташкил этганди. Ҳозирда Диего Симоне 858 миллион еврога эга, Лопетеги шогирдларининг умумий баҳоси 775,7 миллион еврони ташкил қилмоқда.

Манбанинг маълум қилишича, тарихда илк бор “Атлетико” таркибининг нарҳи “Реал”никидан ўзиб кетди.

Эслатиб ўтамиз, 10 июль куни “Реал” етакчиси Криштиану Роналду тўққиз йиллик фаолиятидан сўнг 117 миллион еврога “Ювентус”га ўтиб кетганди.