Испания терма жамоаси яримҳимоячиси Сауль "Атлетико"даги жамоадоши Антуан Гризманнинг "Олтин тўп"га номзодлар орасида кўрмаганидан ҳайратда.

Эслатиб ўтамиз, Гризманн бу йил "Атлетико" билан Европа лигасини ютди, УЕФА Суперкубоги соҳиби бўлди, Франция терма жамоаси сафида жаҳон чемпиони бўлди.

"Мен ҳайратдаман. Тўғрисини айтсам, Гризманн "Олтин тўп"га номзодлар учлигига кириш учун яна нима қилиши керак. У бу йилда учта соврин олди. "Атлетико" учун Гризманнинг "Олтин тўп"ни олиши жуда муҳим", - дейди Сауль.

"Олтин тўп"га давогарлар учлиги қуйидагича: Криштиану Роналду ("Ювентус"), Лука Модрич ("Реал"), Муҳаммад Салоҳ ("Ливерпуль").