Лондоннинг “Челси” клуби ҳужумчиси Оливье Жиру ҳали ҳам “Бешиктош”нинг асосий трансфер мақсади бўлиб турибди. Бу ҳақда Fanatik хабар тарқатди.
Аввалроқ Туркия клуби франциялик футболчини ўтган йил сотиб олмоқчи бўлганди.
Хабарларга кўра, Истанбул клуби қишда “кўклар” билан ушбу трансфер борасида музокара олиб бормоқчи. Жиру эркин агент сифатида ҳам ўтиши мумкин. Унинг товон пули 18 млн еврони ташкил қилади.
Маълумот учун, 31 ёшли футболчи “Челси” билан январь ойида 1,5 йиллик шартнома имзолаганди.
